भुपाल थापा 
कपिलवस्तु,
स्थानीय प्रशासनले २७ गते मंगलवार विहान ५ बजेबाट कपिलवस्तु जिल्लालाई पूर्ण रुपले लक डाउन गर्ने निर्णय गरेको छ । समुदाय स्तरमा कोरोना संक्रमण बढ्न थाले पछि प्रमुख जिल्ला अधिकारी दिर्घ नारायण पौडेलेको अध्यक्षतामा बसेको वैठकले यस्तो निर्णय गरेको हो ।
जिल्लामा ८ सय ५७ जनामा कोरोना पुष्टि भई सकेको र यो संख्या अझै बढ्न सक्ने र त्यसबाट कोरोना संक्रमणको अवस्था भयावह हुन सक्ने भन्दै यस्तो लक डाउन गर्नु परेको जिल्ला प्रशासन कार्यालयले जनाएको छ । जिल्ला प्रशासन कार्यालयका अनुसार २७ गते मंगलवार विहान ५ बजे देखि ३२ गते राती १२ बजे सम्मलाई पूर्ण रुपमा लकडाउनको घोषणा गरेको छ ।
लक डाउनको अवधी भर अति आवश्यक सेवाका पसल तथा सवारी साधान बाहेक सवै वन्द हुने जनाईएको छ । मेडिकल, पानी, दुध जस्ता वस्तुहरु बाहेक सवै पसल व्यवसाय वन्द गर्ने निर्णय गरिएको छ । उद्योग तथा कलकारखानाको भने स्वास्थ्य मंन्त्रालयले जारी गरेको स्वास्थ्य निर्देशिका अनुसार सुरक्षाको सर्तकता अपनाएर संचालन गर्न सकिने प्रमुख जिल्ला अधिकारी दिर्घ नारायण पौडेलले बताए ।
दमकल, एम्बुलेन्स, शव बाहन, दुध, खानेपानीका गाडीहरु बाहेक अन्य सवै निजी तथा भाडाका सवारी साधानहरु संचालनमा पूर्ण रोक लगाईएको छ । राजमार्ग भएर गुड्ने गाडीहरु जिल्लामा नरोकिने गरी भने चल्न पाउने छन् । तरकारी र खाद्यान्न खरिदका लागि हरेक दिन विहान ८ बजे देखि १० बजे सम्मको समय तोकिएको जिल्ला प्रशासन कार्यालयले जनाएको छ ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया