चिसो बढ्यो, देशका विभिन्न स्थानमा हुस्सु

काठमाडौं : अहिले बिहान मौसम बदली भई बिभिन्न स्थानमा हुस्सु लागेको जल तथा मौसम विज्ञान विभागको मौसम पूर्वानुमान महाशाखाले जनाएको छ। 

काठमाडौं उपत्यकासहित वागमती, गण्डकी, सुदूरपश्चिम र कर्णाली प्रदेशमा हुस्सु लागेको मौसमविद् शान्ति कँडेलले जानकारी दिइन्।  यी प्रदेशका केहि स्थानमा दिउँसोपख हल्का वर्षा र हिमपात हुने उनले बताए। पश्चिमी न्यून चापीय प्रणाली र अरब सागरमा बनेको मौसमी न्युन चापीय क्षेत्रको असरका कारण हिजो बेलुका काठमाडौं उपत्यकासहित बागमती, गण्डकी, लुम्बिनी , कर्णाली र सुदूरपश्चिमका विभिन्न स्थानमा हल्का वर्षा भएको थियो। 

यी प्रदेशका उच्च पहाडी तथा हिमाली भेगमा हिमपात समेत भएको छ। उपत्यकामा आज पनि पानी पर्ने महाशाखाले जनाएको छ । केहि हिमाली भेगमा हिमपात पनि हुने संभावना छ। 

पश्चिमी न्यून चापीय प्रणाली र अरब सागरमा बनेको मौसमी न्युन चापीय क्षेत्रको असर गएराति देखि बाहिरिँदै गएकोले हिजोको तुलनामा आज मौसम सफा हुने मौसमविद् कँडेलले बताइन्।

​भोलिदेखि बंगालको खाडीमा बनेको चक्रवातको आंशिक असर पर्ने भएकाले फेरि वर्षा र हिमपातको संभावना रहेको महाशाखाले जनाएको छ। उक्त मौसमी प्रणालीका कारण पर्वतारोहण, हवाई÷यातायत लगायत दैनिक जनजीवनमा समेत असर पर्न सक्ने देखिएकोले चिसोबाट बच्न र हिमपातबाट हुन सक्ने प्रभाववाट जोगिन महाशाखाले आग्रह गरेको छ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…