भुपाल थापा 
माधव बेल्वासे
चन्द्रौटा,१७ चैत
कपिलवस्तुका क्वारेन्टाइनमा बसेका ५ जनालाई आज घर पठाइएको छ । जिल्लाको शिवराज नगरपालिकाले निर्माण गरेको क्वारेनटाइन वाट १ जना र यशोधरा गाउँपालिकावाट ४ जनालाई डिस्चार्ज गरिएको हो । उनीहरुको स्वास्थ्य अवस्था सामान्य रहेकोले घर पठाइएको शिवराज नगरपालिका स्वास्थ्य शाखा प्रमुख चुरामणी भट्टराईले बताउनुभयो ।
यता जिल्लाका १० स्थानिय तहमा १ सय ७७ जना नागरिकहरुलाई क्वारेनटाइनमा राखिएको छ । एक दिन अघि जिल्ला भर जम्मा ८५ जना रहेका थिए ।रोजगारीको लागि छिमेकी मुलुक भारत तथा खाडि मुलुक वाट आएका नागरिकहरुलाई सिधै क्वारेनटाइनमा राखिएको प्रमुख जिल्ला अधिकारी दिर्घ नारायण पौडेलले बताउनुभयो । जनप्रतिनिधि र प्रहरी लगाएर विदेश वाट आएका नागरिकहरुलाई खोजि खोजि क्वारेन्टाइन राखिएको छ ।
जिल्लाको भारतसँग जोडिएको कृष्णनगर नगरपालिकाको क्यारेन्टाइनमा सबै भन्दा धेरै ४४ जना रहेका छन् । त्यस्तै महाराजगंज नगरपालिकामा ३ जना,शिवराज नगपालिकामा १० जना,वाणगंगा नगरपालिकामा १ जना,बुद्धभुमी नगरपालिकामा ४ जना, कपिलवस्तु नगरपालिकामा १९ जना रहेको छन् । विजयनगर गाउँपालिकामा ४० जना,मायादेवी गाउँपालिकामा २७ जना,यशोधरा गाउँपालिकामा २ जना र शुद्धोधन गाउँपालिकामा २७ जना रहेको पौडेलले बताउनुभयो ।
क्वारेन्टाइन कक्षमा रहेका नागरिकहरुको अवस्था सामान्य रहेकोले आइसुलेसनमा राख्ने अवस्था नरहेको उहाँले बताउनुभयो । जिल्लामा ८ वटा आइसुलेसन वेड तयार पारिएको छ ।क्वारेन्टाइनमा रहेका अधिकांश नागरिकहरु भारतवाट नेपाल फर्किएका रहेका बताउनुभयो । उनीहरुलाई खाना बस्न र चिकित्सको निगरानीमा राखीएको पौडेलले बताउनुभयो । जिल्ला प्रशासनका अनुसार सोमवार साझ सम्म कोही पनि कोरोना संक्रमित भेटिएका छैनन् ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया