भुपाल थापा 
–विजयनगर
विजयनगर गाउँपालिकाले ८ सय ५३ घरपरिवारलाई खाद्यान्न वितरण गर्ने कार्य विहिवारदेखि सुरु गरेको छ । गाउँपालिकाले कोरोना भाइरस संक्रमण नियन्त्रण तथा लकडाउन अवधीभर गाउँपालिका भित्रका गरिब, विपन्न, तथा मजदुर वर्गका घरपरिवारलाई राहत वितरण गर्न लागेको हो ।
आजै गाउँपालिकाको वडा नं. ६ मा १ सय २७ घरपरिवालाई खाद्यान्न वितरण गरिएको छ । गाउँपालिकाले चार जनासम्म परिवार संख्याको लागि १५ किलो चामल, २ किलो दाल, १ लिटर तेल, १ किलो नुन र आधा किलो सोयाविन वितरण गरिदैँ छ ।
यस्तै ५ जना भन्दा माथि परिवार संख्या भएको घरपरिवारलाई २० किलो चामल, ३ किलो दाल, २ लिटर तेल, २ किलो नुन र आधा किलो सोयाविन वितरण गर्न लागेको गाउँपालिका प्रमुख प्रशासकीय अधिकृत गोविन्द भट्टराईले जानकारी दिनु भएको छ ।
राहत लिन आएका सम्पूर्ण सर्वसाधारणलाई मास्क वितरण गर्दै सुरक्षित र लकडाउनको पालना गर्न गाउँपालिका अध्यक्ष गोपाल बहादुर थापा अनुरोध गर्नु भएको छ ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया