भुपाल थापा 
काठमाडौँ – मुलुकमा दिनदिनै कोरोना संक्रमित बढिरहेका बेला प्रधनमन्त्री केपी शर्मा अोलीले भने यसको रोकथामका लागि सकारले पर्याप्त प्रयास गरेको दाबी गर्नुभएको छ ।
नयाँ वर्ष २०७७ सालका अवसरमा आज भिडियोमार्फत शुभकामना सन्देश दिँदै प्रधानमन्त्री ओलीले केही व्यक्तिहरु बाहेक अरुमा कोरोना भाइरसको संक्रमण हुन नदिएर सरकारले कोरोना रोकथाममा सफलता हासिल गरेको दाबी गर्नभयो ।
कोरोना रोकथामका लागि प्रभावकारी काम हुन नसकेको भन्दै सरकारको आलोचना भइरहेका बेला प्रधानमन्त्री ओलीले अहिलेसम्म संक्रमितको अवस्था सामान्य रहनु र कसैको पनि मृत्यु नहुनलाई सरकारका प्रयासको सफलताका रुपमा लिनुपर्ने बताउनुभयो ।
प्रधानमन्त्री ओलीले संकटका बेला केही पनि भएन भन्दै आलोचना मात्रै गर्न नहुने धारणा राख्नुभयो । उहाँले आशंका गरिएका व्यक्तिहरुको परीक्षण भने पर्याप्त नभएको स्वीकार गर्नुभयो ।
संक्रमणमुक्त स्थितिको सुनिश्चितताका लागि परीक्षणको दायरा बढाउने बताउँदै प्रधानमन्त्री ओलीले भएका राम्रा कामहरु संयोगले मात्रै भएका हुन् कि भन्ने नठान्न आग्रह गर्नभयो । कोरोनाका कारण मुलुकमा अहिलेसम्म कसैको मृत्यु नभएको प्रसंगमा सरकारले जस पाउनुपर्ने आशय प्रधानमन्त्री ओलीको थियो ।
हुन त प्रधानमन्त्री केपी शर्मा ओलीले कोरोना महामारीको अन्त्य नभएसम्म प्रधानमन्त्रीका हैसियतले राज्यकोषबाट प्राप्त हुने पारिश्रमिक आफूले नलिने र उक्त रकम कोभिड १९ राहत कोषमा जम्मा गर्ने घोषणा पनि गर्नुभएको छ । तर कोरोना रोकथामका लागि चीनबाट औषधि आयात गर्दा भएको चरम भ्रष्टाचारमा संलग्नहरुलाई कारबाही गरिने कुरा उहाँको शुभकामना सन्देशमा जनताले सुन्न पाएनन् । यो परिघटनालाई पनि सचेत नागरिकले अवश्य मुल्याङ्कन गर्ने बताउनुहुन्छ राजनीतिक विश्लेषक सुरेन्द्र केसी ।
हुन त अहिले कुनै किसिमको आरोप प्रत्यारोप र सस्तो लोकप्रियतामा अल्झेर बस्ने बेला होइन । त्यसैले पनि होला, प्रमुख विपक्षी नेपाली कांग्रेसले समेत संकटको बेला सरकारका हरेक कदममा साथ दिने बताइरहेको छ । तर स्वास्थ्य सामग्री खरिद गर्दा भएको भ्रष्टाचारमा संलग्नहरुलाई भने जोगाएर हिँड्न नमिल्ने भन्दै कांग्रेसले त्यसमा संलग्नहरुलाई बर्खास्त गर्न माग गरेको छ । कांग्रेस प्रवक्ता विश्वप्रकाश शर्माले कोरोना महामारीलाई उत्सवका रुपमा मनाउनेहरुलाई बर्खास्त गर्न माग गर्नुभयो ।
कांग्रेसले स्वास्थ्य सामग्री खरिद प्रकरणमा संलग्नहरुलाई बर्खास्त गर्न माग गरेपनि कसैको नाम भने उल्लेख गरेको छैन । धेरैले स्वास्थ्यमन्त्री भानुभक्त ढकाललाई पनि यो प्रकरणमा मुछिरहेका छन् । तर आज नयाँ वर्षका अवसरमा शुभकामना सन्देश दिँदै मन्त्री ढकालले अहिले देशलाई महामारीबाट बचाउने बेला रहेकोले बाँकी बहस पछि गर्न आग्रह गर्नुभएको छ । मन्त्री ढकालले महामारीको यो समयमा जनताको स्वास्थ्य सुरक्षाको ग्यारेन्टी गर्नसबैले एकजुट हुनुपर्ने बताउनुभयो ।
मुलुकभर अहिलेसम्म १४ जना कोरोना संक्रमित व्यक्ति फेला परिसकेका छन् । काठमाडौँमा आज मात्रै थप तीनजनामा कोरानाको आशंका गर्दै अस्पताल भर्ना गरिएको छ । संक्रमितहरुको संखया बढ्ने क्रम जारी छ । आफ्नो प्रयासले अहिलेसम्म कसैको मृत्यु नभएको दाबी गर्ने सरकारले महामारीको अवस्था निम्तिन नदिन परीक्षणको दायरा बढाउनुपर्ने कुरामा विज्ञले जोड दिएका छन् । त्यसैले संक्रमित थोरै छन् र मृत्यु कसैको पनि भएको छैन जस्ता कुरामा जस लिनुभन्दा सम्भावित दुर्घटना रोक्न सरकारले ध्यान दिनुपर्छ ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया