भुपाल थापा 
काठमाडौँ । काठमाडौँ जिल्लाको सवै भन्दा ठूलो नगरपालिका चन्द्रागिरि नगरपालिकाका प्रमुख घनश्याम गिरीले आफ्नो नगर कोरोना मुक्त देखिएकाले अव लकडाउनलाई खुकुलो बनाउँदै कृषि र विकास निमार्णका काम सुरु गर्ने बताउनुभएको छ । उहाँले लकडाउन खुकुलो र दुरी कायमगरी कृषि क्षेत्र र नगरभित्रका विकास निर्माण सुरुगर्दै मजदुरहरुलाई काम दिने कार्य अगाडी बढाउने बताउनुभएको छ ।
नेपाली रेडियो नेटवर्कको प्रदेश प्रसंगमा कुरागर्दै नगर प्रमुख गिरीले अहिले सम्म विदेशबाट आएका र नगरभित्र संक्रमणको आसंका गरिएका सवैको परिक्षण भइसकेको र कसैमा पनि संक्रमण नभेटिएकाले भोली नगरभित्र आइपर्ने आर्थिक संकट कम गराउनका लागि आवस्यक उत्पादन बढाउने र काम नपाएर बसेका मजदुरहरुलाई दैनिक काम उपलब्ध गराउने बताउनुभयो ।
गिरीले नगरपालिका भित्र भोलि आउन सक्ने समस्यालाई मध्यनजर गर्दै आवस्यक राहत र स्वास्थ्यकर्मीहरुको व्यवस्था भइसकेकाले अब कृषि, विकास निर्माण र साना तथा घरेलु उद्योगहरुलाई अवस्यक दुरी कामयम गराई सञ्चालनमा ल्याउने दावी गर्नुभयो । उहाँले १९३ जना भन्दा बढी बाहिरबाट आएका र नगरवासीहरुको टेस्ट गराइएको र अरुमा पनि कतै संक्रमण नभटिएको भन्दै काठमाडौँ छिर्ने आगन्तुक र भेइकलहरुको पनि परिक्षण भइरहेको जानकारी दिनुभयो ।
उहाँले आफ्नो नगरपालिका उपत्यका छिर्ने सवै भन्दा महत्वपूर्ण नाका भएको नगरपालिका भएकाले सवै प्रदेशका मानिसहरु अहिले पनि आवत जावत गरिरहेको र उनिहरुलाई रोकेर राख्ने अवस्था नभएको बताउनुभयो । जो, जो, जुन, जुन पालिकामा जाने हो त्यो पालिकाले जिम्मा लिनेगरी अहिले यो नाकाभएर आवत जावत गर्नेहरुलाई पठाउने गरिएको गिरीको भनाई छ ।
नगर प्रमुख गिरीले अहिले मालवाहक गाडी र आवत जावत गर्नेलाई नाकामा रोकेर राख्दा उनिहरुको व्यवस्थापन गर्न नसकिने भएकाले सवै भेइकल र संकास्पदहरुलाई परिक्षण गरेर नै गन्तव्यतर्फ पठाउने गरिएको बताउनुभयो । उहाँले अहिले भारतबाट ग्यास, पेट्रोलियम पदार्थदेखि सवै खाद्यान्न आइरहेकाले नाकामा रोक्दा आपूर्तिमा समस्या आउने भएकाले कसैलाई पनि नाकामा रोक्न नसकिएको दावी गर्नुभयो ।
गिरीले भन्नुभयो,‘ दैनिक सयौँको सख्यामा गाडीहरु उपत्यका भित्रिन्छन् । मानिसहरु पनि त्यतिकै आएका छन् । रोक्दा उनिहरुको व्यवस्थापन गर्न नगरले सक्दैन । कृषि र साना उद्योगहरु पनि अब चलाउछौँ । नगरमा धेरै पुर्वाधारका काम गर्न वाँकि छन् । ति कामहरु पनि अब दुरी कायम गराएर सुचारु गर्छौ’ ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया