भुपाल थापा 
काठमाडौँ । भारतबाट तरकारी र फलफुल ल्याउने कार्य तत्काल बन्द गर्न प्रदेश पाँचको प्रमुख प्रतिपक्षी दल नेपाली काँग्रेसले माग गरेको छ ।
प्रदेश पाँचमा भारतसँगका तीन ठूला नाका रहेको र खुल्ला नाका पनि धेरै भएकाले ती नाकाबाट दैनिक रुपमा तरकारी र फलफुलहरु भित्रिने गरेको काँग्रेस संसदीय दल प्रदेश पाँचकी सचेतक निर्मला क्षेत्रीले जानकारी दिनुभयो ।
उहाँले भारतबाट आयात भइरहेको तरकारी र फलफुलबाट कोरोना सङ्क्रमणको खतरा रहेकाले तत्काल आयात रोक्नु पर्ने बताउनुभयो । नेपाली रेडियो नेटवर्कसँगको कुराकानीका क्रममा उहाँले आयात रोक्नका लागि प्रदेशका मन्त्रीहरुलाई आग्रह गर्दा लाचार जवाफ दिने गरेको जानकारी दिनुभयो ।
भारतसँगको सम्वन्धीलाई असर नपार्नका लागि र केन्द्रीय आदेश नभएकाले आयात रोक्न नसकिने जवाफ प्रदेश मन्त्रीहरुले दिएको क्षेत्रीले बताउनुभयो । उहाँले भारतसँगका सवै नाकालाई पूर्ण रुपमा बन्द गर्न पनि मागगर्नुभयो । कोरोना भाइरसको संक्रमण नियन्त्रणका लागि पनि प्रदेश सरकारले प्रभावकारी भूमिका खेल्न नसकेको उहाँको आरोप छ ।
प्रदेश सरकारले सर्वपक्षीय छलफलहरु नगरेको, सहकार्यको भावना नदेखाएको र महामारी नियन्त्रण तथा व्यवस्थापनमा गम्भीर नभएको काँग्रेस सचेतक क्षेत्रीले टिप्पणी गर्नुभयो । सरकारको फितलो शैलीका कारण आम नागरिकमा कोरोना संक्रमणको संत्रास बढेको बताउनुभयो ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया