भुपाल थापा 
काठमाडौँ । सुदूरपश्चिमा प्रदेशका सामाजिक विकासमन्त्री कृष्णराज सुवेदीले सुदूपश्चिमका विभिन्न नाकाबाट नेपाल आएका नागरिकहरुको परिक्षण गरेरै पठाएको दावी गर्नुभएको छ । थर्मल गन पनि एक परिक्षण नै भएको उहाँको भनाइछ ।
नाकाबाट नेपाल छिरेका नेपाली नागरिकहरुको लागत समेत नराखि घर पठाउन बाध्य भइरहेको स्थानीय तहका जनप्रतिनिधिहरुको गुनासो आइरहेका बेला सो भनाइलाई खण्डानगर्दै मन्त्री सुवेदीले सवैको थर्मल गनबाट परिक्षण गरिएको दावी गर्नुभएको छ । यो ज्वरो वा तापक्रम नाप्ने यन्त्र हो ।
नेपाली रेडियो नेटवर्कको नेपाली बहशमा पत्रकार ऋषि धमलासँग कुरागर्दै मन्त्री सुवेदीले सोमबार अवेर सम्ममा सुदूरपश्चिमका दुई नाकाबाट १८ हजार ९९ जना नेपाल भित्रिएको र सवैमा थर्मल परिक्षण भएको दावी गर्नुभएको छ । उहाँले जेठ ७ गते सम्म नेपाल छिरेकाको आरडीटी गरेको र ८ देखि १२ गते सम्म आएकाको थर्मल गनले परिक्षण गरेको बताउनुभएको छ ।
किट लगायतका सामाग्रीहरुको अभाव भएपछि स्वास्थ्यकर्मीहरुले पनि परिक्षण नगरी जो जहाका हुन् त्यही पालिकामा लगेर क्वारेन्टिमा राख्न सुझाव दिएपछि आएका जति सवैलाई यसरी पठाउने गरिएको सुवेदीको भनाइछ । हिजो मात्रै गड्डाचौकी र श्रीनगर भन्सार नाकाबाट ४८ सय नेपालीहरु स्वदेश भित्रिएका छन् ।
सामाजिक विकामन्त्री सुवेदीका अनुसार अहिले सम्म सुदूरपश्चिम प्रदेशमा २० जना आइसोलेशनमा छन भने १९ हजार ९ सय ५८ जना अट्ने क्वारेन्टिनलाई बढाएर २५ हजार पर्याउने तयारी गरिएको छ । यी क्वारेन्टिहरु कहिले तयार हुने हुन त्यसको यकिन भने छैन ।
सुवेदीले भन्नुभयो,‘किटको अभाव छ । हिजो मात्रै ४ हजार किट आएको छ । २० हजार किटको माग गरेका छौ । बोलपत्र आह्वान भएको छ । अहिले सम्म २५ हजार ३ सयको कोरोना परिक्षण भएको छ । ६७१ जनाको रिपोर्ट आउन बाँकि छ । ११२ वटा विद्यालयमा क्वारेन्टिन छ र ३ सय माथि पुर्याउने तयारी छ’ ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया