भुपाल थापा 
बागलुङ । रामरेखा आधारभूत विद्यालयको क्वारेन्टिनमा योग प्रशिक्षण शुरु भएको छ । बागलुङ नगरपालिका–४ कुँडुलेका योगगुरु चन्द्रकान्त पौडेलले क्वारेन्टिनमा रहेका २२ जनालाई शनिबारदेखि योग प्रशिक्षण प्रदान गर्नुभएको हो । भारतबाट गृहजिल्ला फर्किएका १८ सहित सवारी चालक र सहचालक गरी चार जनालाई सो प्रशिक्षण दिन शुरु गरिएको बानपा–१ का वडासदस्य सूर्य लामिछानेले जानकारी दिनुभयो ।
क्वारेन्टिनमा बस्ने सबैको दिनचर्या, सरसफाइका उपाय, खानपान शैली, रोग प्रतिरोध क्षमताको वृद्धिका उपाय, सामान्य लक्षणको उपचारका विषयमा प्रशिक्षण दिन शुरु गरिएको योगगुरु पौडेलले बताउनुभयो । जिल्लाको बरेङ गाउँपालिका–३ धनमुढाचौरका युवाहरुले कोरोना सङ्घर्ष समिति गठन गरेका छन् । धनमुढाचौरका २५ युवाको भेलाले भारतलगायतका देशका विभिन्न ठाउँबाट आएर आफ्नो क्षेत्रको क्वारेन्टिनमा बसेकालाई सहयोग गर्न समिति बनाएका हुन् ।
उनीहरुले गाउँपालिकाको सीमासम्म आइपुगेकालाई उद्धार गर्ने, क्वारेन्टिनमा बसेकालाई आवश्यक खानपान तथा मनोरञ्जनको समेत व्यवस्था गरेका छन् । कोरोना सङ्क्रमण र रोकथाम गर्नु युवाको दायित्व भएको समितिका संयोजक पदमबहादुर थापाले जानकारी दिनुभयो । उहाँले वडा कार्यालय र गाउँपालिकासँग सहकार्य गरेर समितिले चेतनामूलक कार्यक्रम गर्दै आएको बताउनुभयो । बरेङ वडा नं ३ को ज्ञानोदय आधारभूत विद्यालयमा रहेको क्वारेन्टिनमा अहिले भारतबाट आएका दुई युवा बसेका छन् ।
उनीहरुलाई क्वारेन्टिनमा बस्दा गाह्रो नहोस् भनेर समितिले साउण्ड सिस्टमको समेत व्यवस्था गरेको उहाँले बताउनुभयो । आधुनिक कृषि औजार वितरण अन्नपूर्ण धान ब्लक जैमिनी नगरपालिका–५ बिनामारेका किसानलाई शनिबार आधुनिक कृषि औजार वितरण गरिएको छ । बन्दाबन्दी जारी रहँदा किसानलाई भेला गरेर कृषि ज्ञान केन्द्र कुश्माले कृषि औजार वितरण गरेको हो ।
कृषि औजार हस्तान्तरण गर्दै जैमिनी नगरपालिकाका प्रमुख इन्द्रराज पौडेलले कोरोनाका कारण अर्थतन्त्रमा परेको प्रभावबाट माथि उठ्ने कृषिकर्म नै उत्तम विकल्प भएको बताउनुभयो । सो ज्ञान केन्द्रले अन्नपूर्ण धान ब्लककोे लागि १५ थान कुटानीपीसानी मिल, १५ थान मिनी टिलर हलो, त्रिपाल, थ्रेसर मेसिन लगायतका सामग्री किसानलाई उपलव्ध गराएको थियो ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया