भुपाल थापा 
कपिलवस्तुको शिवपुरमा रहेको नेपाल आर्दश बहुमुखी क्याम्पसको मुहार फेरीने भएको छ । लामो समयदेखि विकासको पर्खाइमा रहेको क्याम्पसको भौतिक संरचनामा विकास हुने भएपछि अभिभावक तथा विद्यार्थीहरु खुसी भएका छन् । क्याम्पस प्रवेश द्धार वाटै ४ सय ४८ स्कवार मिटर क्षेत्रमा ब्लक बिछ्याउने काम तिव्र रुपमा भइरहेको छ । यसले आवतजावत तथा क्याम्पसको सुन्दरता समेत सहयोग पु¥याउने छ । क्याम्पसमा फिल्ड अव्यवस्थित रहेकोले मर्मत सगै माटो पटानको काम पनि सुरु भएको छ । जिल्लाको पश्चिमी क्षेत्रमा रहेको क्याम्पसलाई नमूनाको रुपमा विकास गर्ने योजना रहेको व्यवस्थापन समितिका अध्यक्ष लंक बहादुर हमालले बताउनुभयो ।
गत वर्ष प्रदेश सरकारले बिनियोजन गरेको २० लाख रकम बाट माथिल्लो तल्ला थपेको भन्दै अब विद्यार्थीहरुको आवतजावतमा सहज गराउन बस संचालन गर्ने तयारी भइरहेको अध्यक्ष हमालले बताउनुभयो । यस वर्ष भइरहेको कामको जिम्मा क्याम्पस व्यवस्थापन समितिका सदस्य सरोज पौडेलको नेतृत्वमा भइरहेको उहाँले बताउनुभयो । खेलमैदानमा माटो पटान,ब्लक निर्माण,ब्याडमिन्टन कोट लगाएतका काम भइरहेको सदस्य पौडेलले बताउनुभयो । ‘काम सुरु भइसकेको छ,जेठ अन्तिम सम्म काम सक्ने लक्ष्य छ’ पौडेलले भन्नुभयो ‘यसपछि क्याम्पसको विकासमा केहि फरकपन आएको महशुस हुनेछ,।’ शिवराज नगरपालिकाद्धारा बिनियोजित १० लाखको लागतमा काम भइरहेको उहाँले जनाउनुभयो ।
यस वर्ष प्रदेश न ५ सरकारले क्यापम्समा बस संचालनको लागि २५ लाख बजेट बिनियोजन गरेको छ । विद्यार्थीहरुको आशाको केन्द्रबिन्दु रहेको शिवपुर क्यापसमा स्नातकोत्तर कक्षा संचालन,विद्यार्थीहरुलाई छात्राबासको व्यावस्था लगाएतका काम भइरहेको क्याम्पस प्रमुख हेमराज शर्माले बताउनुभयो ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया