भुपाल थापा 
नेपालगञ्ज । बाँकेका लागि खुशिको खबरसहित चार जना कोरोना संक्रमित निको भएर घर फर्किएका छन् । शनिबार दिँउसो बाँकेको खजुरास्थित शुशिल कोइराला प्रखर क्यान्सर अस्पतालमा रहेका संक्रमितहरुलाई आज घर पठाइएको छ ।
बाँकेको पहिलो कोरोना संक्रमित स्वास्थ्यकर्मी, पत्रकार र प्रहरीसहित चार जना डिस्चार्ज भएको जनाइएको छ । कोरोना सक्रमित स्वास्थ्यकर्मी बाँकेको खजुरामा कार्यरत हुनुहुन्थ्यो भने पत्रकार उनका श्रीमान हुन ।
त्यस्तै गुल्मी घर भएका प्रहरी नरैनापुरमा कार्यरत छन् । उनीसहित नरैनापुरकै थप एक युवालाइृ डिस्चार्ज गरिएको भेरी अस्पतालकी प्रमुख नर्सिङ बिभाग दुर्गा लक्ष्मी शाकयले जानकारी दिनुभयो ।
शनिबार घर फर्किएका पत्रकार र स्वास्थ्यकर्मीले समाजमा सकारात्मक शन्देस प्रवाह गरी कोरोनासंग जित्न सकिने सूचना प्रवाह गर्न आवश्यक रहेको प्रतिक्रिया दिएका छन् ।
कोरोना भन्ने बित्तिकै डराउन नपर्ने तर सावधानी र संयमता भने अपनाउनुपर्ने देखिएको हुँदा सबैलाई संयमता अपनाउन अनुरोध गर्नुभयो । शनिबार डिस्जार्च भएकाहरुसंगै बाँकेका कोरोनालाई जितेर फर्किनेको संख्या ४६ पुगेको छ । बाँकेमा संक्रमितको संख्या भने २ सय ६७ पुगेको छ ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया