भुपाल थापा 
कैलाली । सुदूरपश्चिम प्रदेशमा ६४ जना कोरोना संक्रमित थपिएका छन्। सेती प्रादेशिक अस्पतालको कोभिड–१९ प्रयोगशालामा गरिएको परीक्षणबाट थप ६४ जनामा कोरोना भाइरसको संक्रमण पुष्टि भएको हो ।
यससँगै सुदूरपश्चिम प्रदेशमा संक्रमितको संख्या २ सय २४ पुगेको सामाजिक विकास मन्त्रालय अन्र्तगत सवास्थ्य निर्देशनालय डोटीले नियमित रुपमा गर्ने मिडिया व्रिफिङ्गमा सो कुराको जानकारी दिएको हो ।
यसअघि नै २६ जना संक्रमित निको भइ घर गइसकेका छन भने २ जना संक्रमितको मृत्यु भइसकेको छ । पुष्टि भएका मध्ये बझाङ्ग बित्थडचिर गाउँपालिकाका २९ वर्षीय १ जना महिला, वर्ष ८ का १ जना बालक, केदारस्यु गाउपालिकाका १८ र २४ वर्षका २ जना पुरुष, खप्तड छन्ना गाउपालिका बस्ने वर्ष ३२ का १ जना महिला रहेका छन् ।
त्यस्तै, डडेल्धुरा जिल्ला अमरगढी नगरपालिका बस्ने वर्ष ३२ का १ जना महिला, नवदुर्गा गाउँपालिका बस्ने वर्ष २७ का १ जना महिला र वर्ष १९ देखि ४० सम्मका २२ जना पुरुष रहेका छन् । त्यसैगरी, डोटी जोरायल गाउँपालिका बस्ने वर्ष २६ का १ जना महिला र वर्ष ४२ का १ जना पुरुष रहेका छन् । सायल गाउँपालिका बस्ने वर्ष ६० का १ जना पुरुष , कैलालीको चुरे गाउपालिका बस्ने वर्ष १८ देखि २६ का का ५ जना पुरुष छन् ।
धनगढी उपमहानगरपालिका बस्ने वर्ष ४४ र ४५ का २ जना पुरुष, गोदावरी नगरपालिका बस्ने वर्ष १९ का १ जना महिला र वर्ष २५ को १ जना पुरष, लम्की चुहा नगरपालिका बस्ने वर्ष ३४ का १ जना पुरुष र टिकापुर नगरपालिका बस्ने वर्ष २० का १ जना पुरुष रहेका छन् ।
कञ्चनपुरको पुनर्बास बस्ने वर्ष २५ र ३८ का २ जना पुरुष, लालझाडी गाउँपालिका बस्ने वर्ष १९, २२ का २ जना महिला र वर्ष १३ देखि ३४ वर्ष का १३ जनामा संक्रमण पुष्टि भएको जनाएको छ ।
प्रदेशमा हाल सम्म १० हजार ५६४ जनाको स्वाब नमुना संकलन गरिएको र ८ हजार ६७८ जनाको जाँच गरिएको मध्ये ८४२६ मा नगेटिभ रिपोट आएको सामाजिक बिकास मन्त्रालयका स्वास्थ्य महाशाखा प्रमुख नरेन्द्र सिंह कार्कीले जाकारी दिनुभयो। एक हजार ८३६ जनाको रिपोट आउन बाँकी छ भने पोजिटिभ संक्रमितको विभिन्न अस्पतालमा उपचार भइरहेको छ ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया