भुपाल थापा 
काठमाडौँ । स्वास्थ्य तथा जनसंख्या मन्त्रालयका सल्लाहकार डा.खेम कार्कीले कोरोना संक्रमण नियन्त्रणका लागि चालिएका कदममा प्राविधिक विषयमा पनि राजनीतिक निर्णय हुने गरेकाले परिक्षणदेखि क्वारेन्टिन सम्मको व्यवस्थापनमा भद्रगोल देखिएको बताउनुभएको छ ।
नेपाली रेडियो नेटवर्कको नेपाली बहमा पत्रकार ऋषि धमलासँग कुरागर्दै उहाँले चिकित्सकहरुले विश्वको अनुभव र बदलिदै गएको मापदण्ड अनुसार भनेको कुरालाई कार्यन्वयनमा लानुपर्नेमा धेरै ठाउमा राजनीतिक निर्णय हुने गरेकाले व्यवस्थित बनाउन समस्या भइरहेको बताउनुभयो ।
उहाँले पछिल्लो समयमा कोरोना संक्रमणको स्वरुप परिवर्तन हुँदै जाँदा विश्व स्वास्थ्य संगठन र अनुभवी चिकित्सकहरुले अपनाएका नयाँ नयाँ मापदण्डहरु प्रयोगमा लाने विषय प्राविधिक भएको यसैलाई कार्यन्वयनमा लानपर्ने दावी गर्नुभयो । कार्कीले १४ दिन सम्म क्वारेन्टिनमा राखेपछि होम क्वारिन्टमा राख्न सकिन्छ भने र विश्वस्वास्थय संगठनले भनेको छ त, यो प्राविधिक कुरालाई जनप्रतिनिधिले राजनीतिक बनाउदा अर्को समस्या देखिएको बताउनुभयो ।
उहाँले सरकारले अनुमान गरेको भन्दा धेरै नेपालीहरु सीमाबाट नेपाल भित्रिएकाले एकै पटक व्यवस्थापन गर्न र आवस्यक टेस्ट गर्न समस्या रहेको छ स्थानीय तहबाट भएका नमुना संकलन पनि गाइडनलाइन अनुसार भएको नपाइएको जानकारी दिनुभयो । स्वाब टेस्ट ंआजको भोली सम्भव नरहेको भन्दै कार्कीले चाडो आउँदा पनि ६ घण्टा लाग्ने नमुना र चाँडो नमुना लिनुपर्नेको ढिलो नपर्नेको चाडो भइरहेको बताउनुभयो ।
उहाँले भन्नुभयो,‘असार १५ भित्र नमुना परिक्षणको दायरा १० हजार पुर्याउछौँ । कुनैपनि व्यत्ति १४ दिन बसेको छ भने उ घर जान सक्छ । १४ दिन अगाडी आरडीटी गर्दा पोजेटिभ देखिन्छ । त्यो देखिएन भने आरडीटीले काम गरेन भनेर बुझ्नुपर्छ । यो कुरा बुझाउन सकिएन । त्यथ्यका आधारमा आएका गाईडलाइनलाइ फ्लो गर्ने काम गर्नु पर्छ त्यो भएको छैन ।’
कार्कीले अब निजिले पनि परिक्षण गर्न पाउने र यसका लागि ५५ सय रुपैया दिने निर्णय भएको भन्दै सरकारले दिएको नमुना मात्रै परिक्षण गर्न पाउने बताउनुभयो । विदेश जानेले पनि तोकिएको अस्पतालमा ५५ सय तिरेर परिक्षण गर्न सक्ने व्यवस्था गरिएको छ उहाँको भनाइछ ।
उहाँले भन्नुभयो, ‘१४ दिन पछि गर्ने भनेको एन्टीबडी नै हो । सवैको परिक्षण गर्न सकिदैन । यो संकै संकाको देश हुने भो । सूदुरपश्चिममा सामूहिक बलात्कार दुखद घटना हो । स्वयम सेवकहरुबाट यस्तो घटना भएको भन्ने कुरा छ । यसले सचेत बनाएको छ । अब अरु क्वारेन्टिनमा यस्तो हुन दिदैनौँ धेरै भन्दा धेरै मानिस आएकाले चुनौती भने थपिएको छ । अब प्राविधिक विषयलाई कार्यन्वयनमा लानेकाम गर्नुपर्छ ।’
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया