कृषि र रोजगारलाई प्राथमिकता ः मेयर शाह

दिपक के.सी.
कपिलवस्तु असार ३
कपिलवस्तुको कृष्णनगर नगरपालिकाका मेयर रजत प्रताप शाहले आ.ब. २०७६÷०७७ मा नगरमा कृषि र रोजगारलाई विशेष प्राथमिकता दिइने बताउनु भएको छ । विश्वलाई त्रासादी बनाएको कोभिड १९ कोरोना भाइरसले नगरपालिका पनि अछुत नरहेको जनाउदै महामारी र लकडाउनमा धेरै युवाहरु अन्य मुलुकबाट फर्किएको अवस्थामा उनीहरुको सिप र क्षमताको विकास गरी रोजगारी दिने गरी योजना छनौटको काम भइरहेको मेयर शाहले बताउनु भयो ।
“अहिले वडा स्तरबाट योजना छनौटको काममा वडाअध्यक्षहरु लागि रहनु भएको छ , वडा स्तरबाट पनि कृषि र रोजगारीलाई प्राथमिता दिन निर्देशन दिएको छु” मेयर शाहले भन्नु भयो । उहाँले चालु आर्थिक बर्षमा कुल बजेटको २५ प्रतिशत मात्रै विकास निर्माण खर्च भएको बताउनु भयो । कोरोना करहले गर्दा विकास योजनाका कामहरु प्रभावित भएको हो ।
मेयर शाहले कृषि पेशालाई अब जिविको पार्जन मात्र नगराई आम्दानी सँग जोडनुपर्ने बताउनुभयो । नगरका कृषकलाई सहज हुने तरिकाबाट आगामी योजना बन्ने निश्चित रहेको भन्दै अहिले वडा अध्यक्षहरु टोल टोलमा पुगेर योजना छनोट गरिरहेको शाहले बताउनुभयो । चन्द्रौटा कृष्णनगर क्षेत्रमा उद्योगहरु संख्या बढी रहेको भन्दै आगामी आर्थिक वर्षमा उद्योगहरुलाई स्थापित गरी नगरको दायरामा ल्याउने योजना रहेको बताउनुभयो । कृष्णनगर बजार व्यावस्थापन,युवालाई सिपमुलक तालिम,किशोर किशोरीलाई क्षमता अभिबृद्धि हुने खालका योजना समावेश गरिने उहाँले जनाउनुभयो ।
भारतिय सिमा संग जोडिएको नगरपालिका कोरोनाको उच्च जोखिम क्षेत्र भए पनि नियन्त्रणमा सफल भएको शाहले दावी गर्नु भयो । करिब १ हजार ५ जनालाई क्वारेनटाइनमा राखि सबैको पिसिआर चेक गरी घर पठाइएको र पोजिटिभ देखिएका ७२ जना मध्ये अहिले उपचार पछि ३६ जना निको भएर घर गई सकेको ,अहिले क्वाइरेन्टाइनमा कोहि पनि नरहेको उहाँले बताउनु भयो । कोरोनाका कारण नगर चालु आर्थिक बर्षका ७५ प्रतिशत विकास निर्माणका कामहरु रोकिएको शाहले बताउनु भयो । कोरोना नियन्त्रणमा डेढ करोड बढि खर्च भइसकेको अझै पनि लकडाउन र महामारी रहिरहेको अवस्थामा अझ बढि रकम खर्च हुनसक्छ । लकडाउन बढ्दै गए नगरमा दोस्रो चरणको राहत वितरण गर्नु पर्ने समेत शाहले बताउनु भयो ।
लकडाउन र बन्दाबन्दिका कारण रोजगारीको शिलशिलामा बाहिर जाने जनशक्ति पनि गाउँमै रहेर कृषि गर्ने हुदाँ कृषिलाई विशेष प्राथमिकतामा राख्नु पर्ने उहाँले बताउनु भयो। स्वेदश फर्किएका युवाहरुलाई कृषिमा आर्कषित गर्न सकिने योजना बन्नेछ । कृषिलाई रोजगारी र आम्दानीको स्रोत बनाउन कृषि विशेष प्याकेज ल्याउने मेयर शाहले जानकारी दिनु भयो ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…