भुपाल थापा 
काठमाडौँ । कृषि विकास बैंकले विभिन्न कारणले समस्यामा परी समयभित्र कर्जा तथा व्याज बुझाउन नसकेका ग्राहक तथा ऋणिहरुलाई मध्यनजर गर्दै आसार मसान्त सम्मको एकमहिने विशेष छुटको कार्य योजना सार्वजनिक गरेको छ ।
विशेष गरी १० वर्ष भन्दा बढी समय भएर पनि कर्जा तथा व्याज बुझाउन नसकेका ऋणिहरुलाई अवस्था हेरी ८० प्रतिशत भन्दा माथि वा सावा मात्रै पनि तिर्न सक्ने कार्ययोजना कार्यन्वयनमा ल्याएको छ ।
बैंकले बैंकको नाममा सम्पती जनाई सकेका,१० वर्ष भन्दा माथि समय पुगिसकेका र विभिन्न मुद्धा मामिला लगायतले समस्यमा परेकाहरुको हकमा सावा मात्रै भएपनि तिर्न सक्ने सम्मको छुट दिन सकिने जनाएको छ ।
नेपाली रेडियो नेटवर्कसँग कुरागर्दै कृषि विकास बैंकका उपमहाप्रबन्धक धुर्वचन्द्र गौतमले लकडाउनले पारेको प्रभावलाई मध्यनजर गर्दै सञ्चालक समितिको बैठकले यस्तो निर्णय गरेको जानकारी दिनुभयो ।
गौतमले युवा स्वरोजगार कर्जामा पनि विशेष व्याज छुट दिने व्यवस्था गर्दै उनिहरुलाई सहज रुपमा कर्जा प्रदान गर्नका लागि केन्द्रमा भएको अधिकारलाई प्रत्यायोजन गर्दै सम्बन्धित कार्यलयमै पुर्याइएको र कृषिका साना कर्जालाई बढी प्राथमिकता दिने नीति अंगिकार गरिएको भन्दै अप्ठ्यारोमा परेकोहरुको सावा मात्रै भएपनि लिने नीति बनाई नयाँ खाता खोल्न चाहनेको लागि पनि अनलाइन खाता र सोझै कार्यलयमा गएर पनि खोल्न सकिने गरी विशेष सुविधा उपलब्ध गराइएको बताउनुभयो ।
गौतमका अनुसार लकडाउनको समयमा पनि ५ लाख बढी ग्राहकसँग बैंकले २ खर्ब २५ करोडको कारोवार गरेको छ । चैत ११ देखि जेठ मसान्त सम्ममा धेरै बैंकहरुको निक्षेप घटिरहेको अवस्थामा समेत कृषि विकास बैंकले ५ अर्बले निक्षेप बढाएको छ । १२ लाख भन्दा बढी ग्राहका रहेको यस बैंककले धितो व्यवस्था हुनेलाई कर्जा दिदै आएको र मालपोत नखुलेका कारण समस्यामा परेका नयाँ कर्जा लिनेहरुलाई अहिले धमाधम दिइरहेको छ ।
नयाँ कर्जा लिनेहरुले लकडाउनकै समयमा करिव २ अर्बको हाराहारीमा रकम माग गरेका छन् । गौतमले भन्नुभयो,‘बन्दाबन्दीको समयमा पनि सेवालाई सुचारु राख्यौ । अहिले ५० प्रतिशत भन्दा बढी कर्मचारी परिरचालन गरिएको छ । अहिले देशभरीका शाखा कार्यलयहरु पूर्ण रुपमा सञ्चालनमा छन । लकडाउन अवधिभर २ खर्ब २५ अर्बको कारोवार भएको थियो । ५ लाख बढी ग्राहकसँंग कारोबार भएको छ । ग्रहक सख्या पनि थपिएका छन् ।’
उहाँले लकडाउनबाट प्रभावमा परेको उद्यमी,व्यावसायी र नियमित कर्जावालालाई पनि १० प्रतिशत सम्म व्याज छुट दिने निर्णय भएको र जो विभिन्न कारणले व्यज तिर्न नसकेका र भाखा नाघेका कर्जालाई पनि छुट मिनाहा दिने गरि यो असार मसान्त सम्मको समय निर्धारण गरिएको बताउनुभयो ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया