निलो मसि 
काठमाडौं : हेल्प नेपाल नेटवर्कको ग्लोबल कोर्डिनेटरमा दिला खरेल चुनिएका छन्। शनिबार राष्ट्रिय सभामा आयोजित कार्यक्रममा हेल्प नेपालले अस्ट्रेलियालाई कर्मथलो बनाएका खरेललाई ग्लोबल कोर्डिनेटरमा छनौट गरेको घोषणा गरेको हो।
इन्नोभेटिभ एशोसियट्सका सिईओ तथा प्रिन्सिपल खरेल अस्ट्रेलियामा एकाउन्टेन्ट र लेक्चररको पेशामा सक्रिय छन्। शनिबार वरिष्ठ नेत्र रोग विशेषज्ञ डा सन्दुक रुइतको प्रमुख आतिथ्यमा हेल्प नेपाल नेटवर्कले २५ औँ वार्षिकोत्सव मनाएको छ।
उक्त अवसरमा वरिष्ठ हृदयरोग विशेषज्ञ डा. भगवान कोइराला, मानव सेवा आश्रमका संस्थापक रामजी अधिकारी, सुशीला (रुपा) केसी तथा अटिजम भएका बालबालिकाको सेवामा समर्पित सविता उप्रेतीलाई अभिनन्दन गरिएको थियो।
साथै संस्थाको स्थापनाकालदेखि सघाउने व्यक्तिहरूलाई सम्मान गरेको थियो। ‘हामी व्यवहारिक र परोपकारी व्यक्ति बनौं’, ग्लोबल कोर्डिनेटरमा नियुक्त भएका खरेलले भने, ‘म युवा अवस्थामै हेल्प नेपालमा जोडिएको हो। जीवनभर यहि संस्थाको सेवा गर्न चाहन्छु।’
उनले संस्थाले आगामी दिनमा १० करोड रुपैयाँको अक्षय कोष स्थापना गर्ने लक्ष्य रहेको बताए।
हेल्प नेपाल नेटवर्क नेपालमा शिक्षा, स्वास्थ्य तथा आपतकालीन मानवीय सहायताको क्षेत्रमा काम गर्दै आइरहेको कल्याणकारी संस्था हो। सन् १९९९ मा बेलायतमा स्थापित नेटवर्कका झन्डै एक दर्जन बढी मुलुकमा शाखा छन्। ‘मातृभूमिका लागि महिनामा एक पाउण्ड’ भन्ने नारासहित सन् १९९९ मा बेलायतबाट हेल्प नेपाल नेटवर्क स्थापना गरिएको थियो।
नेटवर्कले नेपालका एक सय बढी स्कुलहरूमा कक्षा कोठा निर्माण तथा झन्डै ५० वटा इ–लाइब्रेरी स्थापना गर्नुका साथै सिन्धुपाल्चोक, दोलखालगायतका जिल्लाहरूमा भूकम्पबाट क्षतिग्रस्त विद्यालय भवनहरूको पुनर्निर्माणमा पनि सघाएको छ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि धडकन“ अडियो गीत सार्वजनिक भएको छ । एस एम मिडिया नेपालद्वारा आइतबार सार्वजनिक गरिएको हो । जसको लिरिक्स एमप र राजेन्द्र चौधरीले गरेका छन् भने एरेन्जर गणेश चौधरीले रहेका छन् । यस्तै शब्द संगित सरगम […]
प्रतिक्रिया