निलो मसि 
काठमाडौँ : संयुक्त ट्रेड युनियन समन्वय केन्द्र (जेटियुसिसी) का अध्यक्ष योगेन्द्रकुमार कुवँरले श्रम बजारसम्बन्धी जुम्ल्याहा कानून ल्याउँदा श्रमदाताले श्रम लचकताको गलत फाइदा उठाएको बताएका छन्।
मंगलवार काठमाडौँमा संयुक्त ट्रेड युनियन समन्वय केन्द्र (जेटियुसिसी) को छैटौं श्रम संसद्को उद्घाटनलाई सम्बोधन गर्दै उनले यस्तो बताएका हुन्। उनले सरकारले जति बढी सामाजिक सुरक्षा त्यति नै श्रममा लचकता भन्दै जुम्ल्याहा कानून ल्याउँदा श्रम बजार समस्याग्रस्त भएको बताए।
उनले श्रमदाताले श्रम लचकताको गलत फाइदा उठाएर श्रमिकहरूलाई अन्धाधुन्ध जगेडामा राख्ने काम गरिरहेको टिप्प्णी गरे। उनले संविधानबमोजिम श्रम बजारका लागि नीतिगत र कानूनी संरचना तयार भए पनि आम श्रमिकले त्यसको अनुभूति गर्न नपाएको बताए। उनले श्रम बजार अझै कमजोर, अव्यवस्थित, असुरक्षित र अमर्यादित तथा अनौपचारिकरण हुँदै गइरहेको महसुस हुन थालेको बताए। उनले श्रम बजारलाई औपचारिकरण गर्न श्रम ऐन परिमार्जन र योगदानमा आधारित सामाजिक सुरक्षा ऐन निर्माण गरी कार्यान्वयनमा ल्याउन माग गरे।
कुँवरले भने, ‘श्रम तथा रोजगारलाई व्यवस्थित गर्न श्रम ऐन, २०७४ लगायतका ऐन र हक कार्यान्वयनमा छन्। हामीसँग संविधान बमोजिम नीतिगत र कानूनी संरचना तयार भएका छन् तर यसको अनुभूति आम श्रमिकले गर्न पाइरहेका छैनन्। श्रम बजार अझै कमजोर, अव्यवस्थित असुरक्षित र अमर्यादित तथा अनौपचारिक हुँदै गइरहेको छ। श्रमिकहरूलाई अन्धाधुन्ध जगेडामा राख्ने, सरुवा गर्ने, निष्कासन गर्ने र नियमित रोजगारीलाई आउट सोर्सिङ गर्ने काम गरिरहनुभएको छ।’
उनले बालश्रम निवारण, व्यवसाय र मानव अधिकार प्रवर्धन र व्यवसायजन्य सुरक्षाको सुदृढीकरणका लागि विभिन्न रणनीतिक योजनहरू क्रियाशील भए पनि त्यसको प्रभाव श्रम बजारमा पर्न नसकेको बताए।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि धडकन“ अडियो गीत सार्वजनिक भएको छ । एस एम मिडिया नेपालद्वारा आइतबार सार्वजनिक गरिएको हो । जसको लिरिक्स एमप र राजेन्द्र चौधरीले गरेका छन् भने एरेन्जर गणेश चौधरीले रहेका छन् । यस्तै शब्द संगित सरगम […]
प्रतिक्रिया