निलो मसि 
घनश्याम भर
(विजयनगर) कपिलवस्तु, १५ साउन ।
कपिलवस्तुकाे विजयनगर गाउँपालिकाकाे वडा नम्बर – ५ सिसवा र वडा नम्बर ६ जुडपानीमा समुदाय स्तरीय खानेपानी सरसफाई तथा स्वच्छता समन्वय समिति गठन गरिएको छ । किड्स नेपाल, प्लान इन्टरनेशनल नेपालकाे साझेदारी र विजयनगर गाउँपालिकाकाे समन्वयमा ‘स्वच्छ र सफा गाउँ’ भन्ने मूल नाराका साथ पूर्ण सरसफाई अभियानलाई कार्यक्रम सुरु गरिएको किड्स नेपालका कार्यक्रम संयाेजक असगर हुसेन धुनियाले जानकारी दिए । उनले कार्यक्रम अनुसार गाउँ-गाउँमा यस अभियानलाई क्रमशः विस्तार गर्दै जाने बताए ।
सिसवामा हरिराम कहाँरकाे संयाेजकत्वमा २१ सदस्य समुदाय स्तरीय खानेपानी सरसफाइ तथा स्वच्छता समन्वय समिति गठन गरिएको छ । जसकाे सह-संयाेजकमा सरस्वती कुर्मी र सचिवमा चन्द्रिका यादव चयन भएका छन् । यसैगरी दिपेन्द्र कपुर काेरीकाे संयाेजकत्वमा ५ सदस्य सल्लाहकार समिति र मानी पासीकाे संयाेजकत्वमा ३ सदस्य अनुगमन समिति गठन गरिएको छ ।
यस्तै जुडपानीमा शिव प्रसाद चाईकाे संयाेजकत्वमा २३ सदस्य समुदाय स्तरीय खानेपानी सरसफाई तथा स्वच्छता समन्वय समिति गठन गरिएको छ । जसकाे सह-संयाेजकमा बिमला आरख र सचिवमा हरिहर प्रसाद बढई चयन भएका छन् । यसैगरी असरफी हरिजनकाे संयाेजकत्वमा ५ सदस्य सल्लाहकार समिति र प्रकाश यादवकाे संयाेजकत्वमा ३ सदस्य अनुगमन समिति गठन गरिएको छ ।
कार्यक्रमलाई सम्बाेधन गर्दै ५ का वडा अध्यक्ष अनवर मोहम्मद मुसलमानले पूर्ण सरसफाइको महत्व र त्यसका फाइदाबारे चर्चा गरे । उनले वातावरण स्वच्छ रहनु अत्यन्त आवश्यक भएको बताउँदै स्वास्थ्यमा सकारात्मक प्रभाव पार्ने बताए । यहाँको वातावरणीय सौन्दर्य पनि बढाउने हुँदा सबैले मिलेर सरसफाइमा ध्यान दिनुपर्ने बताउँदै सामुदायिक जिम्मेवारीको भावना जागरुक गर्नुपर्नेमा जाेड दिए ।
यस्तै ६ का वडा अध्यक्ष प्रेम बहादुर कलवारले पनि यसमा आफ्नो विचार व्यक्त गर्दै सरसफाइको जागरूकता फैलाउने अभियान चलाउन महत्त्वपूर्ण भएको बताए । उनलेे हरेक दिनको जीवनशैलीमा स्वच्छताको अवधारणा समावेश गर्न आवश्यक रहेको बताउँदै यसले हाम्रो जीवनको गुणस्तरमा सुधार गर्नेुुपर्ने बताए ।
कार्यक्रम गाउँपालिका वास संयाेजक अर्जुन बेल्बासे, सरसफाई एक्सपाेर्ट दयाराम शर्माकाे सहजीकरणमा सम्पन्न भएको छ ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया