निलो मसि 
पर्वत : जिल्लाको जलजला गाउँपालिकाले उद्धमीहरूको लगानीमा सघाउन सहुलियत ब्याजदरको घुम्ती कोष मार्फत ऋण लगानी गरेको छ।
गाउँपालिकाका अध्यक्ष राजु प्रसाद आचार्यका अनुसार गाउँपालिकाको आर्थिक वर्ष २०८१÷०८२ मा स्वीकृत वार्षिक कार्यक्रम अन्तर्गत १३ लाख ७५ हजार रुपैयाँ लगानी गरिएको हो। घुम्ती कोष शीर्षकमा विनियोजन भएको नौ लाख, गत आर्थिक वर्षमा लगानी गरिएको ऋणको पहिलो चौमासिक साँवा फिर्ता बापत तथा खुद ब्याज गरी दुई लाख ४३ हजार तथा गत माघ महिनासम्म असुल भएको दोस्रो किस्ताको साँवा फिर्ता र खुद ब्याजबाट प्राप्त भएको दुई लाख ३८ हजार पाँच सय रुपैयाँ गरी कुल १३ लाख ८१ हजार पाँच सय रुपैयाँ सङ्कलन भएको थियो। योमध्येको १३ लाख ७५ हजार रुपैयाँ उद्धमीहरूलाई लगानी गरिएको हो।
उक्त रकम १३ जना उद्धमीहरूलाई एक लाख रुपैयाँका दरले र एक जनालाई ७५ हजार रुपैयाँ ऋण दिइएको छ। वडा विकास कार्यक्रम कोष सञ्चालक समितिको बैठकले निर्णय गरेको आधारमा छनोट भएका उद्धमीहरूलाई तोकिएको व्यवसाय सञ्चालन गर्नको लागि ऋण दिइएको हो।
गाउँपालिकाका सूचना अधिकारी भेषनाथ आचार्यले जमिन र जनशक्ति भएका तर स–सानो पुँजी अभावका कारण पेसा व्यवसाय सञ्चालन तथा विस्तार गर्न नसकेका उद्यमीहरूलाई यसले ठुलो राहत हुने बताए। इच्छुकहरूबाट माग आवेदन सङ्कलन गरी तह तहबाट सिफारिस भई कोष सञ्चालक समितिबाट निश्चित मापदण्डका आधारमा स्वीकृत भएका उद्यमीहरूले चौमासिक अवधिमा किस्ता फिर्ता गर्ने गरी ऋण लिएका हुन्। यो घुम्ती कोषले केही व्यवसायी उत्पादन र व्यवसाय प्रवद्र्धनमा सहयोग पुर्याउने र आफ्नै माटोमा भविष्यको खोजी गराउने उनले बताए।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया