निलो मसि 
काठमाडौं : प्रतिनिधिसभाका चार र राष्ट्रिय सभाका दुई समितिको बैठक शुक्रबार बस्दैछ।
अर्थ समितिको बैठकमा भन्सारसम्बन्धी कानून संशोधन र एकीकरण गर्न बनेको विधेयक उपर संशोधनकर्ता प्रतिनिधिसभाका सदस्यहरूसँग छलफल हुनेछ।
राज्यव्यवस्था तथा सुशासन समितिको बैठकमा संघीय निजामती सेवाको गठन, सञ्चालन र सेवाका शर्त सम्बन्धमा व्यवस्था गर्न बनेको विधेयक,२०८० माथि दफावार छलफल हुनेछ। शिक्षा, स्वास्थ्य तथा सूचना प्रविधि समितिको बैठकमा शहीद दशरथ चन्द स्वास्थ्य विज्ञान विश्वविद्यालय विधेयक, २०८० का सम्बन्धमा विज्ञसँग छलफल हुनेछ। प्रतिनिधिसभा अन्तर्गतका यी तीनवटै समितिको बैठक सिंहदरबारस्थित समितिको कार्यकक्षमा बिहान ११ बजेदेखि सुरु हुने संसद् सचिवालयले जनाएको छ।
प्रतिनिधिसभा अन्तर्गतकै कृषि, सहकारी तथा प्राकृतिक स्रोत समितिको बैठकमा स्वर्गद्वारी गुठी किसानका समस्याबारे भूमि व्यवस्था, सहकारी तथा गरिबी निवारण मन्त्रालय र गुठी संस्थानसँग छलफल हुनेछ। बैठक बिहान साढे ११ बजेदेखि शुरू हुनेछ। राष्ट्रियसभा अन्तर्गतको सार्वजनिक नीति तथा प्रत्यायोजित विधायन समितिमा राष्ट्रिय निकुञ्जसँग सम्बन्धित नीतिगत समस्या समाधानको सम्बन्धमा प्राप्त सुझावमाथि छलफल गरिने भएको छ। बैठक बिहान ११ बजेका लागि बोलाइएको छ।
त्यस्तै विकास, आर्थिक मामिला तथा सुशासन समितिको बैठक दिउँसो साढे १२ बजेदेखि शुरू हुनेछ। बैठकमा नेपाल अतिकम विकसित राष्ट्रबाट विकासशील राष्ट्रमा स्तरोन्नति हुने सम्बन्धमा अध्ययन प्रतिवेदन, २०८१ उपसमितिबाट समितिसमक्ष पेश र छलफल हुने कार्यसूची रहेको संसद् सचिवालयले जनाएको छ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया